Psa 38 | PONPDN | STEP | MAING, der kotin kaloke ia ni omui kupur sued, o der kame ia ni omui ongiong.

Psalms 38

1 MAING, der kotin kaloke ia ni omui kupur sued, o der kame ia ni omui ongiong.
2 Pwe sapwilim omui kanangan kasik katieu lei dong ia, o lim omui katoutou ia.
3 Sota mau kot ni pali war ai pweki omui ongiong, o sota moleilei nan kokon ai kan pweki dip ai
4 Pwe dip ai kin kadupaledi mon ai, re kin katoutou ia dueta meakot me toutou melel.
5 Ai ola kan posuedelaonanan pweki ai pweipwei.
6 I kin kos pena o pairok wei alialu, i kin insensued ansau karos,
7 Pwe longelong ai mongedier melel, o sota mau kot ni pali war ai.
8 NGai Iuetalar melel o i wokiwok pasanger. I kin sangesang, pweki mongiong i sota kak moleilei.
9 Maing, kom kotin mangi ai inong karoso ai sangesang, o ai sota rir sang komui.
10 Mongiong i rerer, ai kelail ko sanger i, o marain en mas ai pil rotolala.
11 Kompoke pai o ai warok kan kin doo wei sang ia, o suedeki ai kalokolok, o sau i kan kin doo sang ia.
12 O me kin inong iong kameia la, kin masmasan ia, o me men wia sued ong ia, kin indinda duen ar pan wiada dodok sued, o re kin widwiding ansau karos.
13 A ngai dueta me salongepon amen, me sota rong wasa, o dueta, o duata me lotong, me sota kak sar pasang au a.
14 NGai dueta ol amen me solar rong wasa, o sota depuk en lokaia mi nan au ai.
15 A I kin awiawi Komui Maing ai Kot pan kotin sapeng ia.
16 Pwe i men, ren der peren kin ia. Ma na I pan krisedi, re pan peren kida melel.
17 Pwe i koren iong pupedi, o ai kalokolok kin koren iong ia ansau karos.
18 Pwe I weokada dip ai kano suedeki dip ai.
19 A ai imwintiti kan memauretat o irail me kelail; me kailong kin ia ni sota karepa me toto.
20 O me kin depukki ai me mau me sued, kin palian ia, pweki ai dadaurata me mau.
21 Ieowa ai Kot, kom der muei sang ia o der doowei sang ia!
22 Kom kotin madang dong ia, Main sausa pa i.